梁安琪：勿事事推責給博企

博彩走下坡，人人盯着“巨無霸”博企。作為博彩業代表，議員梁安琪昨日發威，不滿有人事事推責給博企，抹黑博企。

梁安琪昨先向梁司示好，指博彩收入連跌數月，政府立即採取多項應對措施，與博企會面，她及各博企都非常讚賞，博企絕對支持及配合政府的施政及決策。之後急轉口風，稱博企不輕易炒人，亦會製造機會予員工橫向流動，但員工不一定願意。

有議員將早前有員工不滿被博企解僱、博企地盤發生勞資糾紛歸責博企，梁安琪鮮有地公開發難，指氹仔有娛樂場勞資糾紛，所涉員工實屬酒店員工，酒店與博企營運分開且各自獨立，兩者無關聯，“呢位同事咁樣講對博企唔公平，而且有抹黑之嫌。”到現時為止，有冇博企試過無理炒人？如果有，請提出一些個案。

她說，不單博企才有勞資糾紛，其他中小微企都有，其議員辦就收到不少投訴，最厲害試過兩百人一齊投訴，“至於博企嘅勞資糾紛是否一定就是博企問題？今日澳門社會所有行為，包括商業行為，都係由法律去判定責任歸屬，而唔係咁隨便用把口就去判定，不然社會就會變得亂晒籠？現時將所有責任都歸博企，是否博企攞咗牌，一攬子但凡與博企拉上少少關係嘅事情就是博企責任，博企嘅錯？”政府工程亦曾有勞資糾紛，是否要政府承擔全部責任？

梁安琪最後說，議員更應清晰法治社會的意義，“不應該通過這樣嘅言論去誤導市民，為討好群衆達到自己想法而去講攻擊、抹黑博企嘅話，給博企扣上莫須有嘅罪名！”